Russland kallar sak mot serbisk-bosnisk politikar for politisk motivert

Onsdag blei den bosnisk-serbiske separatistleiaren Milorad Dodik dømt til eitt års fengsel for å ha trassa ordre frå ein internasjonal fredsutsending.

Russland seier no at saka mot Dodik var politisk motivert og kan få negative konsekvensar for Balkan-regionen, melder Reuters.

Dodik har tidlegare trua med å lausrive Republika Srpska frå resten av landet.

Bosnia består i dag av to einingar, Republika Srpska og Bosnia-Hercegovina.

Den 65 år gamle leiaren har fleire gonger omtala rettssaka som ei USA-støtta heksejakt, med mål om å fjerne han frå politikken.