«Բարսելոնան» ներկայացրել է 2024/25 մրցաշրջանի տնային մարզահագուստը
«Բարսելոնան» իր պաշտոնական կայքում ներկայացրել է նոր համազգեստ, որը ֆուտբոլիստները կկրեն 2024/25 մրցաշրջանում։
«Ակումբի պատմության 125-ամյակը նշելու համար 2024/25 խաղաշապիկի դիզայնը ոգեշնչված է ակումբի պատմական արմատներից։ Օգտագործելով կապույտ և նռնագույն երանգները որպես հիմնական տարրեր, ստեղծվել է հատուկ, եզակի և խորհրդանշական դիզայն, որն արտացոլում է թիմի ինքնությունը՝ իր մեջ կրելով ակումբի ավանդույթներն ու պատմությունը»,- ասված է ակումբի գրառման մեջ։