Маразы, парывісты вецер, з нядзелі - пацяпленне. Сіноптыкі пра надвор'е ў Беларусі ў бліжэйшыя дні

"У гэтым годзе першая дэкада снежня аказалася на 1,9 градуса вышэйшай за кліматычную норму і склала ў сярэднім па Беларусі 0,2 цяпла. Пры гэтым дадатная анамалія тэмпературы паветра адзначалася па ўсёй тэрыторыі краіны. Але ўжо сёння рэспубліку будзе перасякаць халодны атмасферны фронт, які адкрые шлях арктычным паветраным масам", - расказалі ў Белгідрамеце.