"Кожны год, калі адкрываецца новы мотасезон, прапаноўваю хлопцам асвяціць матацыклы". Дзіўная гісторыя свяшчэнніка-байкера

Павел Чарняк рос у сям'і свяшчэнніка і ведаў, якія цяжкасці чакаюць таго, хто збіраецца прысвяціць сябе царкве. Яго бацька ў свой час дзеля гэтага ахвяраваў бліскучай кар'ерай. Ад сям'і тады адвярнуліся нават сваякі: у СССР заўзята змагаліся з так званымі рэлігійнымі забабонамі. Але бацька клірыка маладзечанскага Пакроўскага храма іерэя Паўла Чарняка настойліва ішоў да мэты і ні на хвіліну не пашкадаваў аб сваім рашэнні. Гэтак жа, як і яго сын, які сцвярджае: місія прывесці чалавека да веры і накіраваць яго душу да Госпада вартая любых выпрабаванняў.