Brann i to varebilar på Stovner – mistanke om at det er påsett

Naudetatane fekk litt før 01.30 natt til torsdag melding om bilbrann på Stovner i Oslo.

Oslo 110-sentral skreiv på X at det brann i to varebilar.

Det var spreiingsfare, men naudetatane fekk fort sløkt brannen.

Operasjonsleiar Øyvind Hammervold seier til NRK at dei mistenker at brannen er påsett.

– Det er vår hovudhypotese no.

I tillegg til at det brann i to varebilar var også dekk punkterte på to andre køyretøy i nærleiken.

– Etterforsking av sjølve brannen vil ta tid, for bilane vil etter kvart bli tatt med av bilbergarar for sikring, slik at vi får etterforska dette meir grundig, seier han.